فارس بلاجواد
*قطر الغلابة*
مزحوم ياقطر الغلابة
بتجري بسرعة في غابا
واحنا معاك راكبين
تركب وانت ساكت
وإن جيت تشاكس
يرميك في قلب الطين
مزحوم ياقطر الغلابة
وعايشين علي الهبابة
وفي الحضيض قاعدين
واحد ساند جنبه
والتاني بيحكي غلبه
والتالت من التايهين
مزحوم ياقطر الغلابة
وطلعوا عليه الديابة
ونهشوا لحم الشقيانين
لا القطر بيهدي
والعمر بيعدي
وعايش علي قدي
وصبحنا من الضايعين
ياقطر نزلني
بلاش تبهدلني
إنت ناوي توصلني
لغاية فين
لاخر محطة
والاقي هناك الشمس حطه
ويجي الليل ويزيد الانين
عاوزني ياقطر أنسي
وابقي عايش في السبنسه
وغيري بيلهف الملاين
انا لساي فاكر ابويا وجدي
والخير اللي كان عندي
وقعدة البساتين
ياعيب الشوم
الاكل وزعوه ع البوم
وتركوا الغلابة والمساكين
يارب ترجع ليالينا
والخير يلف ويجينا
والهم يروح في الطين
*
*بقلمي فارس بلاجواد*
مزحوم ياقطر الغلابة
بتجري بسرعة في غابا
واحنا معاك راكبين
تركب وانت ساكت
وإن جيت تشاكس
يرميك في قلب الطين
مزحوم ياقطر الغلابة
وعايشين علي الهبابة
وفي الحضيض قاعدين
واحد ساند جنبه
والتاني بيحكي غلبه
والتالت من التايهين
مزحوم ياقطر الغلابة
وطلعوا عليه الديابة
ونهشوا لحم الشقيانين
لا القطر بيهدي
والعمر بيعدي
وعايش علي قدي
وصبحنا من الضايعين
ياقطر نزلني
بلاش تبهدلني
إنت ناوي توصلني
لغاية فين
لاخر محطة
والاقي هناك الشمس حطه
ويجي الليل ويزيد الانين
عاوزني ياقطر أنسي
وابقي عايش في السبنسه
وغيري بيلهف الملاين
انا لساي فاكر ابويا وجدي
والخير اللي كان عندي
وقعدة البساتين
ياعيب الشوم
الاكل وزعوه ع البوم
وتركوا الغلابة والمساكين
يارب ترجع ليالينا
والخير يلف ويجينا
والهم يروح في الطين
*
*بقلمي فارس بلاجواد*
ليست هناك تعليقات:
إرسال تعليق